SYIIR SINDIRAN wong duwuran seng edan

Ngawiti ingsun nglaras sindiran

Kelawan poro wong nang duwuran

Kang dalanake dana anggaran

Ojo sembrono tanpo itungan

Duh poro konco priyo wanito

Ojo mung jabat syareat bloko

Gur pinter janji raiso mbuktek no

Tembe mburine rakyat sangsoro

Akeh kang pinter sekabehane

Seneng ngakali marang kuline

Elek e dewe gak di kethok ke

Padahal iku akal buluse

Gampang bujuk i janjine goroh

Kangge menangke tuku suworo

Sarto wes lungguh nang kursi rojo

Janji-janjine njur ora nyoto

Ayo sedulur jo nglalek ake

Karo seng disek milih swarane

Ojo gedhek ke wetenge dewe

Seng dukung koe seng panggah kere

Dadi pejabat ora bakal sue

Kadong wes rakyat gak ngarepake

Yen wes janjine gak di buktek ke

Bakal di demo di jungkir rake

Koran lan tv podho ngabarke

Pejabat maling akeh contone

Soko seng duwur sak ngisorane

Kruyu'an nyunat jatah rakyate

Koyo wes podho nunggu giliran

Sopo seng nyolong bakal konangan

Yen di percoyo dadi pimpinan

Kudu kang jujur lan kuat iman

Kuasane nduyo ora hakiki

Ayo di jogo lan di syukuri

Yen panyuwune wes di turuti

Nang wongisorane jo nganti lali

Urip kang ayem rumongso aman

Dudu mergo ono ing duwuran

Sabar narimo najan pas-pasan

Nyukuri takdir soko pangeran

Ayo poro konco dulur lan tonggo

Kang durung bener podho eilingo

Ojo di dukung lan di jlongkrok no

Siji kang olo kabeh kang soro

Sindiran iki ojo dadi ati

Di gawe bingung lan ojo wedhi

Mung ngelengake kang duwe janji

Mugo-mugo slamet jo nganti lali