Poro sederek kulo sedoyo, jaler estri enom lan tuwo
Mumpung urip no alam dunyo, saben waktu podo ilingo.
Ngelingono yen ono timbalan timbalane ra keno wakilan
Timbalane kang Moho Kuoso gelem ora bakale lungo.
Yen lungane ora dinyono, sugih miskin bakale mrono
Dunyo brono ditinggalno, sing digowo amal ing dunyo.
Disalini penganggo putih yen wis budal ora biso mulih
Tumpakane kereta jawa roda papat rupa manungsa.
Jujugane omah guwo tanpo bantal tanpo keloso
Yen omahe gak ono lawange turu dewe gak ono rewange.
Ditutupi anjang-anjang, diuruki den siram kembang
Tanggo dulur podo sambang podo nangis koyo wong nembang.
Lamun ing kubur bakal ditarap, dikoni karo malaikat
Takon sepisan ora den jawab daging balunge pating pencelat.
Mulo dulur podo’o tobat sak durunge ketekan sekarat
Ayo podo ngelakoni sholat, bakal slamet dunyo akherat.
Rugi dunyo gaksepiro’o, rugi akherat bakal ciloko
Sebab dunyo wot-wotane, kangge nuju akherate.
Wong uripe sregep ibadah, ono ing kubur bakale nikmat
Wong kang akeh mak siyate, nang neroko piwalese.
Urip ndik ndunyo mung sedelo, sing suwe ana akhirate
Bejo temen wong kang ibadahe ciloko kang akeh maksiyate.
Jelatah-pangkat pepaesing dunyo, ibadah-maksiyat pilihan iro
Akeh maksiyat olehe neroko, sregep ibadah oleh swargo.
( oleh Drs. H.M. Ali Ghufron)
Tidak ada komentar:
Posting Komentar
monggo masukan , kritik , saran kagem admin luoorr.....